ધરતીના હૈયાનો સાદ, આવ રે વરસાદ!

આવ રે વરસાદ,

ધેબરિયો પરસાદ,

ઊની ઊની રોટલી

ને કારેલાનું શાક !


આવ રે વરસાદ,

નેવલે પાણી;

નાનકડી છોકરીને

દેડકે તાણી !

લખુ છુ કેમ કે કલમ નો સાથ છે

લખુ છુ કેમ કે કલમ નો સાથ છે,

મારા શબ્દો મા ફક્ત તારી યાદ છે.

કવીતાઓ તો લખવી ગમે મને,

પણ હ્રદય ને તો એક જ ગઝલ ની પ્યાસ છે.

શેરો શાયરી શોખ નહોતા મારા,

પણ જીવન નુ અધુરા પણુ પણ એક આશ છે.

ઈચ્છા થાય છે કે સીતારા ઓ પર જઈ સુર્યને જોવુ,

પણ જીંદગી ને તો ચન્દ્ર ની પ્યાસ છે.

નથી જાણતો કે કીનારો ક્યા છે,

પણ સાહિલ ની મને તલાસ છે.

જેવુ પણ મળ્યુ છે આ જીવન મુજને,

હે પ્રભુ તારા ચરણ પામવા માટે મારી લાશ છે.

આભાર.....

સ્કૂલ ચલે હમ......

આ સઘળા ફૂલોને કહી દો કે યુનિફોર્મમાં આવે,
પતંગિયાઓને પણ કહી દો સાથે દફ્તર લાવે.

મન ફાવે ત્યાં માછલીઓને આમ નહી તરવાનું,
સ્વીમિંગપુલના સઘળા નિયમોનું પાલન કરવાનું.

દરેક કૂંપળને કોમ્પ્યુટર ફરજિયાત શીખવાનું,
લખી જણાવો વાલીઓને તુર્તજ ફી ભરવાનું.

આ ઝરણાંઓને સમજાવો સીધી લીટી દોરે,
કોયલને પણ કહી દેવું ના ટહુકે ભરબપ્પોરે.

અમથું કૈં આ વાદળીઓને એડમિશન દેવાનું ?
ડોનેશનમાં આખ્ખેઆખ્ખું ચોમાસું લેવાનું.

એક નહીં પણ મારે ચાલે છે અઠ્ઠાવન સ્કૂલો,
‘આઉટડેટ’ થયેલો વડલો મારી કાઢે ભૂલો !

- કૃષ્ણ દવે